ਝੋਲ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਭਾਸ਼ਾ ਵਿਭਾਗ ਪੰਜਾਬ ਪਟਿਆਲਾ।

ਝੋਲ. ਸੰਗ੍ਯਾ—ਕੇਸ਼ ਸਾਫ ਕਰਨ ਲਈ ਪਾਣੀ ਵਿੱਚ ਘੋਲਿਆ ਖਾਰ । ੨ ਗਿਲਟ. ਚਾਂਦੀ ਸੁਵਰਣ ਦਾ ਕਿਸੇ ਧਾਤੁ ਤੇ ਪੋਚਾ। ੩ ਹਿਲਾਉਣ ਦੀ ਕ੍ਰਿਯਾ. ਦਹੀਂ ਰਿੜਕਣ ਪਿੱਛੋਂ ਮੱਖਣ ਕੱਢਣ ਲਈ ਲੱਸੀ ਨੂੰ ਝਕੋਲਣ ਦੀ ਕ੍ਰਿਯਾ. “ਸਾਕਤ ਕਰਮ ਪਾਣੀ ਜਿਉ ਮਥੀਐ ਨਿਤ ਪਾਣੀ ਝੋਲ ਝੁਲਾਰੇ.” (ਨਟ ਅ: ਮ: ੪) ੪ ਨਿਵਾਰਣ (ਹਟਾਉਣ) ਦਾ ਭਾਵ. “ਜੈਸੇ ਤੋ ਸਰੋਵਰ ਸਿਵਾਲਕੈ ਅਛਾਦ੍ਯੋ ਜਲ, ਝੋਲ ਪੀਐ ਨਿਰਮਲ ਦੇਖਿਯੇ ਅਛੋਤ ਹੈ.” (ਭਾਗੁ ਕ) ੫ ਬੁਛਾੜ. ਵਰਖਾ ਦਾ ਜ਼ੋਰ ਨਾਲ ਗਿਰਨਾ. “ਕਾਲਾਂ ਗੰਢੁ ਨਦੀਆਂ ਮੀਹ ਝੋਲ.” (ਮ: ੧ ਵਾਰ ਮਾਝ ) ੬ ਝੂਟਾ. ਹਿਲੋਰਾ. “ਮਾਇਆ ਤਾਸੁ ਨ ਝੋਲੈ ਦੇਵ.” (ਬਿਲਾ ਕਬੀਰ) ੭ ਹਵਾ ਦਾ ਝੋਕਾ । ੮ ਪਸੂ ਪੰਛੀਆਂ ਦੇ ਇੱਕ ਵਾਰ ਦੇ ਜਣੇ ਹੋਏ ਬੱਚੇ। ੯ ਹਾਥੀ ਦਾ ਝੁੱਲ. ਝੂਲ. “ਟਿਰੜੰਤ ਟੀਕ ਝਿਰੜੰਤ ਝੋਲ.” (ਕਲਕੀ) ਹਾਥੀਆਂ ਦੇ ਮੱਥੇ ਦੇ ਟਿੱਕੇ ਡਿਗਦੇ ਅਤੇ ਝੁੱਲ ਝਰੀਟੀਦੇ ਹਨ। ੧੦ ਖ਼ਮ. ਝੁਕਾਉ.

ਝੋਲ ਸਰੋਤ : ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ)

ਝੋਲ, (ਬਾਲ), ਪੁਲਿੰਗ : ਗਿਲਟ, ਝਾਲ, ਚਾਂਦੀ ਜਾਂ ਸੋਨੇ ਆਦਿ ਦਾ ਕਿਸੇ ਧਾਤ ਤੇ ਪੋਚਾ

–ਝੋਲ ਫੇਰਨਾ, ਕਿਰਿਆ ਸਮਾਸੀ : ਮੁਲੰਮਾ ਕਰਨਾ, ਗਿਲਟ ਕਰਨਾ

ਝੋਲ ਸਰੋਤ : ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ)

ਝੋਲ, (ਘਚੋਲ (ਣਾ)) \ ਪੁਲਿੰਗ : ਹਿਲਾਉਣ ਦੀ ਕਿਰਿਆ, ਦਹੀਂ ਰਿੜਕਣ ਪਿੱਛੋਂ ਮੱਖਣ ਕੱਢਣ ਲਈ ਘਚੋਲਣ ਦੀ ਕਿਰਿਆ ਜਾਂ ਭਾਵ

ਝੋਲ ਸਰੋਤ : ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ)

ਝੋਲ, (ਹਿੰਦੀ : झालि)\ ਪੁਲਿੰਗ : ਬੁਛਾੜ, ਬਰਖਾ ਦੇ ਜ਼ੋਰ ਨਾਲ ਗਿਰਨ ਦਾ ਭਾਵ : ‘ਕਾਲਾਂ ਗੰਢੁ ਨਦੀਆਂ ਮੀਹ ਝੋਲ’

(ਵਾਰ ਮਾਝ ਮਹਲਾ ੧)

ਝੋਲ ਸਰੋਤ : ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ)

ਝੋਲ, (ਝੂਲਾ) \ ਪੁਲਿੰਗ : ਝੂਟਾ, ਹਿਲੋਰਾ : ‘ਮਾਇਆ ਤਾਸੁਨ ਝੋਲੇ ਦੇਵ’

(ਬਿਲਾਵਲ : ਕਬੀਰ)

ਝੋਲ ਸਰੋਤ : ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ)

ਝੋਲ, ਪੁਲਿੰਗ \ ਸੂ : ਪੰਛੀ ਜਾਂ ਜਾਨਵਰ ਦੇ ਇੱਕ ਵਾਰ ਕੱਠੇ ਜੰਮੇ ਬੱਚੇ

ਝੋਲ ਸਰੋਤ : ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ)

ਝੋਲ, (ਝੂਲਣਾ) \ ਪੁਲਿੰਗ : ੧. ਢਿੱਲਾਪਣ, ਢਿੱਲ (ਮੰਜੇ -ਦੀ); ੨. ਕਪੜੇ ਦਾ ਵਟ; ੩. ਪਿੰਡੇ ਦਾ ਮਾਸ ਢਿਲਕੇ ਹੋਣ ਦਾ ਭਾਵ, ਝੁਰੜੀ