ਝੂਠ ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਝੂਠ (ਨਾਂ,ਪੁ) ਕੂੜ, ਜੋ ਸੱਚ ਨਹੀਂ

ਝੂਠ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਝੂਠ [ਨਾਂਪੁ] ਸੱਚ ਦੇ ਉਲ਼ਟ, ਗੱਪ , ਗਪੌੜ; ਛਲ਼ , ਫ਼ਰੇਬ; ਬਹਾਨਾ

ਝੂਠ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਝੂਠ^* (ਗੁ.। ਪੰਜਾਬੀ) ਮਿਥਿਆ। ਯਥਾ-‘ਝੂਠ ਸਮਗ੍ਰੀ ਪੇਖਿ ਸਚੁ ਕਰਿ ਜਾਨਿਆ’।

----------

* ਸੰਸਕ੍ਰਿਤ ਪਦ ਕੂਟ ਦਾ ਅਰਥ=ਅਸੱਤ। ਪੰਜਾਬੀ ਪਦ ਕੂੜ ਇਸ ਤੋਂ ਬਣਿਆ ਹੈ, ਪਰ ਅਚਰਜ ਨਹੀਂ ਕਿ ਝੂਠ ਬੀ ਕੂਟ ਤੋਂ ਹੀ ਹੇਰ ਫੇਰ ਖਾ ਕੇ ਬਣਿਆ ਹੋਵੇ। ਇਕ ਹੋਰ ਪਦ ਹੈ -ਅਸੁਕੵਤ- ਇਸ ਦਾ ਪ੍ਰਾਕ੍ਰਿਤ ਰੂਪ ਹੈ, ਅਜੁਤਕੑ। ਹੋ ਸਕਦਾ ਹੈ ਕਿ ਝੂਠ ਇਸੇ -ਅਜੁਤ- ਤੋਂ ਹੇਰ ਫੇਰ ਖਾ ਕੇ ਬਣਿਆ ਹੋਵੇ। ਅਯੁਕ੍ਤ ਦਾ ਅਰਥ ਹੈ=ਜੋ ਗਲ ਯੁਕਤੀ ਸਿੱਧ ਨਾ ਹੋਵੇ।

ਝੂਠ ਸਰੋਤ : ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ)

ਝੂਠ, (ਪ੍ਰਾਕ੍ਰਿਤ : झुट्ठ) \ ਪੁਲਿੰਗ : ੧. ਕੂੜ, ਕੁਸੱਤ, ਜੋ ਸੱਚ ਨਹੀਂ, ਅਸਲ ਤੇ ਸੱਚ ਉਲਟ; ੨. ਛਲ, ਫ਼ਰੇਬ; ੩. ਬਹਾਨਾ; ੪. ਮਿਲਾਵਟ

–ਝੂਠ ਉਡਾਉਣਾ, ਮੁਹਾਵਰਾ : ਅਫ਼ਵਾਹ ਫੈਲਾਉਣਾ, ਝੂਠੀ ਗੱਲ ਮਸ਼ਹੂਰ ਕਰਨਾ

–ਝੂਠ ਸਚ, ਪੁਲਿੰਗ :੧. ਕੁਛ ਝੂਠ ਕੁਛ ਸੱਚ; ੨. ਬਣਾਵਟ, ਗੱਪ, ਉਲਟੀ ਗੱਲ

–ਝੂਠ ਦਾ ਪੁਲੰਦਾ, ਪੁਲਿੰਗ : ਨਿਰਾ ਝੂਠ

–ਝੂਠ ਦੇ ਪੁਲ ਬੰਨ੍ਹਣਾ, ਮੁਹਾਵਰਾ : ਬਹੁਤ ਝੂਠ ਬੋਲਣਾ, ਝੂਠ ਤੇ ਝੂਠ ਬੋਲਣਾ

–ਝੂਠ ਦੇ ਪੈਰ ਨਹੀਂ ਹੁੰਦੇ, ਅਖੌਤ : ਝੂਠ ਫ਼ੌਰਨ ਜ਼ਾਹਰ ਹੋ ਜਾਂਦਾ ਹੈ, ਝੂਠ ਦਾ ਪਾਜ ਜਲਦੀ ਉਘੜ ਜਾਂਦਾ ਹੈ

–ਝੂਠ ਫੜਨਾ, ਮੁਹਾਵਰਾ : ਝੂਠੀ ਗੱਲ ਦਾ ਪਤਾ ਲਾ ਲੈਣਾ