ਘਰੋਂ ਸਰੋਤ :
ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।
ਘਰੋਂ [ਨਾਂਇ] ਪਤਨੀ , ਵਹੁਟੀ , ਤੀਵੀਂ , ਘਰਵਾਲ਼ੀ [ਕਿਵਿ] ਘਰ ਤੋਂ
ਲੇਖਕ : ਡਾ. ਜੋਗਾ ਸਿੰਘ (ਸੰਪ.),
ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।, ਹੁਣ ਤੱਕ ਵੇਖਿਆ ਗਿਆ : 34432, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2014-02-24, ਹਵਾਲੇ/ਟਿੱਪਣੀਆਂ: no
ਘਰੋਂ ਸਰੋਤ :
ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ)
ਘਰੋਂ, ਇਸਤਰੀ ਲਿੰਗ : ਘਰਵਾਲੀ, ਵਹੁਟੀ
–ਘਰੋਂ ਖਾਈਂ ਨਾ, ਸਾਡੇ ਆਈਂ ਨਾ, ਅਖੌਤ : ਜਦ ਕਿਸੇ ਨੂੰ ਕਿਸੇ ਦੀ ਸਹਾਇਤਾ ਤੋਂ ਰੋਕੇ ਅਤੇ ਆਪ ਸਹਾਇਤਾ ਨਾ ਕਰੇ ਤਾਂ ਕਹਿੰਦੇ ਹਨ
–ਘਰੋਂ ਘਰ ਗਿਆ, ਬਾਹਰੋਂ ਛਿੱਤਰ ਪਿਆ, ਅਖੌਤ : ਘਰੋਂ ਘਰ ਗੁਆਉਣਾ, ਬਾਹਰੋਂ ਭੜੂਆ ਅਖਵਾਉਣਾ (ਕਹਾਉਣਾ), ਅਖੌਤ : ਭਾਵ ਨਾਲੇ ਆਪਣਾ ਨੁਕਸਾਨ ਕਰਨਾ ਨਾਲੇ ਲੋਕਾਂ ਕੋਲੋਂ ਮੂਰਖ ਅਖਵਾਉਣਾ
–ਘਰੋਂ ਘਾਟੋਂ ਜਾਣਾ, ਮੁਹਾਵਰਾ : ਕਿਸੇ ਪਾਸੇ ਜੋਗਾ ਨਾ ਰਹਿਣਾ
–ਘਰੋਂ ਜਾਈਏ ਖਾ ਕੇ ਅੱਗੋਂ ਮਿਲੇ ਪਕਾ ਕੇ, ਅਖੌਤ : ਭਾਵ ਸਫ਼ਰ ਕਰਨ ਤੋਂ ਪਹਿਲਾਂ ਰੋਟੀ ਆਦਿ ਖਾ ਲੈਣੀ ਚਾਹੀਦੀ ਹੈ
–ਘਰੋਂ ਖਾ ਕੇ ਮੱਤ ਦੇਣਾ, ਮੁਹਾਵਰਾ : ੧. ਪੱਲਿਉਂ ਖਰਚ ਕੇ ਕਿਸੇ ਦਾ ਕੁਝ ਸਵਾਰਨਾ; ੨. ਬਿਨਾਂ ਫ਼ੀਸ ਦੇ ਕਿਸੇ ਦਾ ਕੋਈ ਕੰਮ ਕਰਨਾ
–ਘਰੋਂ ਦੇਣਾ, ਮੁਹਾਵਰਾ : ਆਪਣੇ ਪੱਲਿਉਂ ਦੇਣਾ, ਆਪਣੀ ਜੇਬ ਵਿਚੋਂ ਦੇਣਾ
–ਘਰੋ-ਪ-ਧਰੀ, ਘਰੋ-ਭ-ਤਰੀ, (ਪੋਠੋਹਾਰੀ) / ਕਿਰਿਆ ਵਿਸ਼ੇਸ਼ਣ : ਘਰੋ ਘਰੀ, ਆਪਣੇ ਆਪਣੇ ਘਰ
–ਘਰੋਂ ਬੇ ਘਰ ਹੋਣਾ, ਮੁਹਾਵਰਾ : ਉੱਜੜਨਾ
–ਘਰੋਂ ਮੈਂ ਆਵਾਂ ਸੁਨੇਹੇ ਤੂੰ ਦੇਵੇਂ, ਅਖੌਤ : ਭਾਵ ਇਸ ਗੱਲ ਦਾ ਮੈਨੂੰ ਤੇਰੇ ਨਾਲੋਂ ਵੱਧ ਪਤਾ ਹੈ
–ਘਰੋਂ ਪੈਰ ਬਾਹਰ ਕੱਢਣਾ (ਪਾਉਣਾ), ਮੁਹਾਵਰਾ : ਘਰ ਤੋਂ ਬਾਹਰ ਨਿਕਲਣਾ
–ਘਰੋਂ, ਇਸਤਰੀ ਲਿੰਗ : ਘਰਵਾਲੀ
–ਉੱਚੇ ਚੜ੍ਹ ਕੇ ਵੇਖਿਆ ਘਰ ਘਰ ਏਹਾ (ਏਹੋ) ਅੱਗ, ਅਖੌਤ : ਭਾਵ ਸਾਰਾ ਸੰਸਾਰ ਹੀ ਦੁਖੀ ਹੈ
–ਅਗਲਾ ਘਰ, ਪੁਲਿੰਗ :੧. ਜੇਲ੍ਹ; ੨. ਦੂਜਾ ਜਹਾਨ
–ਅੱਗ ਲੈਣ ਆਈ ਘਰ ਵਾਲੀ ਬਣ ਬੈਠੀ, ਅਖੌਤ : ਜਦੋਂ ਕੋਈ ਥੋੜਾ ਜਿਹਾ ਹੱਕ ਲੈ ਕੇ ਸਾਰੀ ਤੇ ਅਧਿਕਾਰ ਜਮਾਏ ਉਦੋਂ ਕਹਿੰਦੇ ਹਨ
–ਅਜਾਇਬ ਘਰ, ਪੁਲਿੰਗ : ਉਹ ਜਗ੍ਹਾ ਜਿੱਥੇ ਅਜੀਬ ਜਾਂ ਪੁਰਾਣੀਆਂ ਚੀਜ਼ਾਂ ਦਿਖਾਉਣ ਲਈ ਰੱਖੀਆਂ ਜਾਂਦੀਆਂ ਹਨ
–ਆਪਣਾ ਘਰ ਸੰਭਾਲੀਏ ਚੋਰ ਕਿਸੇ ਨਾ ਆਖੀਏ, ਅਖੌਤ : ਆਪਣੀ ਚੀਜ਼ ਸੰਭਾਲਣੀ ਚਾਹੀਦੀ ਹੈ ਤੇ ਕਿਸੇ ਨੂੰ ਦੋਸ਼ ਨਹੀਂ ਦੇਣਾ ਚਾਹੀਦਾ
–ਆਪਣਾ ਘਰ ਸੌ ਕੋਹ ਤੋਂ ਦਿਸ ਪੈਂਦਾ ਹੈ, ਅਖੌਤ : ਆਪਣੀ ਹੈਸੀਅਤ ਦਾ ਮਨੁੱਖ ਨੂੰ ਚੰਗੀ ਤਰ੍ਹਾਂ ਪਤਾ ਹੁੰਦਾ ਹੈ
–ਆਪਣਾ ਘਰ ਹੱਗ ਰੱਗ ਭਰ ਪਰਾਇਆ ਘਰ ਥੁਕਣ ਦਾ ਵੀ ਡਰ, ਅਖੌਤ : ਆਪਣੇ ਨਿਜੀ ਘਰ ਵਿੱਚ ਪੂਰੀ ਆਜ਼ਾਦੀ ਹੁੰਦੀ ਹੈ
–ਆਪਣੇ ਘਰ ਲੱਗੇ ਤਾਂ ਅੱਗ ਪਰਾਏ ਘਰ ਲੱਗੇ ਤਾਂ ਬਸੰਤਰ, ਅਖੌਤ : ਦੂਜੇ ਦੇ ਨੁਕਸਾਨ ਤੇ ਆਦਮੀ ਖੁਸ਼ ਹੁੰਦਾ ਹੈ ਪਰ ਆਪਣਾ ਨੁਕਸਾਨ ਹੋਣ ਤੇ ਦੁਖੀ ਹੁੰਦਾ ਹੈ
–ਅਪਾਹਜ ਘਰ, ਪੁਲਿੰਗ : ਲੂਲ੍ਹਿਆਂ ਲੰਗਿਆਂ ਆਦਿ ਦੇ ਰਹਿਣ ਦੀ ਥਾਂ, ਕੋੜ੍ਹਖ਼ਾਨਾ
–ਆਓ ਬੈਠੋ ਸਜਣੋ ਘਰ,ਬਾਰ ਤੁਹਾਡਾ ਖਾਵੋ ਪੀਵੋ ਆਪਣਾ ਗੁਣ ਗਾਉਂ ਅਸਾਡਾ, ਅਖੌਤ : ਘਰ ਬਾਰ ਤੇਰਾ ਕੋਠੀ ਨੂੰ ਹੱਥ ਨਾ ਲਾਈਂ
–ਸਹੁਰਾ ਘਰ, ਪੁਲਿੰਗ : ਜੇਲ੍ਹ
–ਸ਼ਾਹ ਦੇ ਕਾਬੂ, ਘਰੋਂ ਘਾਟੋਂ ਜਾਏ, ਅਖੌਤ : ਸ਼ਾਹੂਕਾਰ ਅਸਾਮੀ ਨੂੰ ਲੁੱਟ ਕੇ ਖਾ ਜਾਂਦੇ ਹਨ (ਭਾਈ ਮਈਆ ਸਿੰਘ)
–ਸ਼ੁਕਰ ਕਰੋ ਸਿਰ ਮੁੰਨੀਉਂ ਘਰ ਜੀਊਂਦੇ ਆਏ, ਅਖੌਤ : ਜਦ ਕੋਈ ਬਿਨਾਂ ਕੁਝ ਖੱਟੇ ਕਮਾਏ ਘਰ ਆ ਜਾਵੇ ਤਾਂ ਵਿਅੰਗ ਨਾਲ ਕਹਿੰਦੇ ਹਨ
–ਹਨੇਰੇ ਘਰ ਦਾ ਦੀਆ (ਦੀਵਾ), ਪੁਲਿੰਗ : ਕੁਲਦੀਪਕ
–ਕਿਤਾਬਘਰ, ਪੁਲਿੰਗ : ਲਾਇਬਰੇਰੀ, ਪੁਸਤਕਾਲਾ
–ਖ਼ਾਲਾ ਜੀ ਦਾ ਘਰ (ਵਾੜਾ), ਮੁਹਾਵਰਾ : ਬਹੁਤ ਆਸਾਨ ਕੰਮ
–ਗੁਰੂ ਦਾ ਘਰ, ਪੁਲਿੰਗ : ਗੁਰਦਵਾਰਾ, ਧਾਰਮਕ ਅਸਥਾਨ
–ਘੋੜੀਆਂ ਘਰ, ਸੁਲਤਾਨਾਂ ਮੱਝੀਂ ਘਰ ਵਰਿਆਮਾਂ, ਅਖੌਤ : ਬਾਦਸ਼ਾਹਾਂ ਦੇ ਘਰ ਘੋੜੇ ਤੇ ਚੌਧਰੀਆਂ ਦੇ ਘਰ ਮੱਝਾਂ ਹੁੰਦੀਆਂ ਹਨ
–ਚਿੜੀਆ ਘਰ, ਪੁਲਿੰਗ : ਉਹ ਥਾਂ ਜਿੱਥੇ ਤਰ੍ਹਾਂ ਤਰ੍ਹਾਂ ਦੇ ਜਾਨਵਰ ਰੱਖੇ ਜਾਂਦੇ ਹਨ
–ਜਹਾਜ਼ ਘਰ, ਪੁਲਿੰਗ : ਜਹਾਜ਼ਾਂ ਦਾ ਸ਼ੈੱਡ, ਹਵਾਈ ਅੱਡਾ
–ਜੰਜ (ਜੰਞ) ਘਰ, ਪੁਲਿੰਗ : ਜਨਵਾਸਾ, ਉਹ ਥਾਂ ਜਿੱਥੇ ਬਰਾਤ ਨੂੰ ਠਹਿਰਾਇਆ ਜਾਵੇ
–ਝਟਕਾ ਘਰ, ਪੁਲਿੰਗ : ਉਹ ਥਾਂ ਜਿੱਥੇ ਬੱਕਰੇ ਆਦਿ ਝਟਕਾਏ ਜਾਂਦੇ ਹਨ (Slaughter house)
–ਟਿਕਟ ਘਰ, ਪੁਲਿੰਗ : ਉਹ ਕਮਰਾ ਜਿੱਥੋਂ ਟਿਕਟ ਮਿਲਦੇ ਹਨ
–ਡਾਕਘਰ, ਪੁਲਿੰਗ : ਡਾਕਖ਼ਾਨਾ
–ਤਾਰ ਘਰ, ਪੁਲਿੰਗ : ਉਹ ਥਾਂ ਜਿੱਥੋਂ ਤਾਰਾਂ ਘੱਲੀਆਂ ਜਾਂਦੀਆਂ ਹਨ
–ਧੋਬੀ ਦਾ ਕੁੱਤਾ ਨਾ ਘਰ ਦਾ ਨਾ ਘਾਟ ਦਾ, ਅਖੌਤ : ਜਦ ਕੋਈ ਕਿਸੇ ਪਾਸੇ ਦਾ ਨਾ ਰਹੇ ਤਾਂ ਵਰਤਦੇ ਹਨ
–ਨ ਘਰਾ, ਵਿਸ਼ੇਸ਼ਣ : ਜਿਸ ਦਾ ਘਰ ਘਾਟ ਨਾ ਹੋਵੇ
–ਨਾਚ ਘਰ, ਪੁਲਿੰਗ : ਉਹ ਕਮਰਾ ਜਿੱਥੇ ਨਾਚ ਹੁੰਦਾ ਹੈ
–ਪਿਉ (ਬਾਪ) ਦਾ ਘਰ, ਪੁਲਿੰਗ : ਅਪਣਾ ਘਰ
–ਬਾਹਰ ਮੀਆਂ ਪੰਜ ਹਜ਼ਾਰੀ, ਘਰ ਬੀਬੀ (ਬੈਠੀ) ਝੋਲੇ ਦੀ ਮਾਰੀ, ਅਖੌਤ : ਘਰ ਭੁੱਖ ਬੂਹੇ ਡਿਉਢੀ
–ਬਾਹਰ ਮੀਆਂ ਫੱਤੂ ਘਰ ਨਾ ਸਾਗ ਨਾ ਸੱਤੂ, ਅਖੌਤ : ਬਾਹਰ ਮੀਆਂ ਪੰਜ ਹਜ਼ਾਰੀ ਘਰ ਬੀਬੀ ਝੋਲੇ ਦੀ ਮਾਰੀ
–ਬਿਜਲੀ ਘਰ, ਪੁਲਿੰਗ : ਉਹ ਥਾਂ ਜਿੱਥੋਂ ਸ਼ਹਿਰ ਨੂੰ ਬਿਜਲੀ ਮੁਹੱਈਆ ਕੀਤੀ ਜਾਂਦੀ ਹੈ
–ਬੁਰੇ ਦੇ ਘਰ ਤਾਈਂ ਪਹੁੰਚਣਾ, ਮੁਹਾਵਰਾ : ਅਖੀਰ ਤਾਈਂ ਪੁਚਾਉਣਾ, ਅੰਤ ਤਾਈਂ ਪੁਚਾਉਣਾ
–ਮਸੂਲ ਘਰ, ਪੁਲਿੰਗ : ਚੁੰਗੀ ਖ਼ਾਨਾ
–ਰਾਜੇ ਦੇ ਘਰ ਮੋਤੀਆਂ ਦਾ ਕੀ ਕਾਲ, ਅਖੌਤ : ਵੱਡੇ ਲੋਕਾਂ ਨੂੰ ਦੌਲਤ ਦੀ ਪਰਵਾਹ ਨਹੀਂ ਹੁੰਦੀ
–ਲਾਈ ਲੱਗ ਨਾ ਹੋਵੇ ਘਰ ਵਾਲਾ, ਚੰਦਰਾ ਗਵਾਂਢ ਨਾ ਹੋਵੇ, ਅਖੌਤ :ਭਾਵ ਕੰਨਾਂ ਦਾ ਕੱਚਾ ਖਸਮ ਤੇ ਭੈੜਾ ਲੜਾਕਾ ਗਵਾਂਢੀ ਦੋਵੇਂ ਦੁੱਖ ਦਾ ਕਾਰਨ ਹੁੰਦੇ ਹਨ
–ਵੱਡਾ ਘਰ, ਪੁਲਿੰਗ : ੧. ਅਮੀਰ ਘਰਾਣਾ; ੨. ਜੇਲ੍ਹਖਾਨਾ
–ਵੱਡੇ ਘਰ (ਭਾਂਡੇ) ਦੀ ਖੁਰਚਣ (ਘਰੋੜੀ) ਵੀ ਨਹੀਂ ਮਾਣ, ਅਖੌਤ : ਭਾਵ ਅਮੀਰ ਦੀ ਦੌਲਤ ਮੁਕਦੀ ਮੁਕਦੀ ਮੁਕਦੀ ਹੈ
–ਵਰ ਘਰ, ਪੁਲਿੰਗ : ਕੁੜੀ ਲਈ ਢੂੰਡਿਆ ਜਾਂਦਾ ਵਰ ਤੇ ਉਹਦਾ ਖ਼ਾਨਦਾਨ
ਲੇਖਕ : ਭਾਸ਼ਾ ਵਿਭਾਗ, ਪੰਜਾਬ,
ਸਰੋਤ : ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ), ਹੁਣ ਤੱਕ ਵੇਖਿਆ ਗਿਆ : 261, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2023-12-01-11-46-14, ਹਵਾਲੇ/ਟਿੱਪਣੀਆਂ:
ਘਰੋਂ ਸਰੋਤ :
ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ)
ਘਰੋਂ, (ਘਰ+ਓਂ=ਤੋਂ) \ ਇਸਤਰੀ ਲਿੰਗ : ਵਹੁਟੀ, ਤੀਵੀਂ, ਪਤਨੀ
ਲੇਖਕ : ਭਾਸ਼ਾ ਵਿਭਾਗ, ਪੰਜਾਬ,
ਸਰੋਤ : ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ), ਹੁਣ ਤੱਕ ਵੇਖਿਆ ਗਿਆ : 260, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2023-12-04-10-22-07, ਹਵਾਲੇ/ਟਿੱਪਣੀਆਂ:
ਵਿਚਾਰ / ਸੁਝਾਅ
Please Login First
