ਗੋਲਾ ਸਰੋਤ :
ਜੁਗਰਾਫ਼ੀਏ ਦਾ ਵਿਸ਼ਾ-ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।
Sphere (ਸਫਿਅ:) ਗੋਲਾ: ਇਕ ਠੋਸ ਬਣਤਰ, ਜਿਸ ਦੀ ਸਤ੍ਹਾ ਤੇ ਕੋਈ ਬਿੰਦੂ ਕੇਂਦਰ ਤੋਂ ਸਮ-ਫ਼ਾਸਲੇ (equidistant) ਤੇ ਹੁੰਦਾ ਹੈ।
ਲੇਖਕ : ਸ. ਸ. ਢਿੱਲੋਂ ਅਤੇ ਜ. ਪ. ਸਿੰਘ,
ਸਰੋਤ : ਜੁਗਰਾਫ਼ੀਏ ਦਾ ਵਿਸ਼ਾ-ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।, ਹੁਣ ਤੱਕ ਵੇਖਿਆ ਗਿਆ : 29332, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2014-01-29, ਹਵਾਲੇ/ਟਿੱਪਣੀਆਂ: no
ਗੋਲਾ ਸਰੋਤ :
ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।
ਗੋਲਾ. ਸੰਗ੍ਯਾ—ਗੋਲਾਕਾਰ ਪਿੰਡ । ੨ ਤੋਪ ਦਾ ਗੋਲਾ. “ਗੋਲਾ ਗਿਆਨ ਚਲਾਇਆ.” (ਭੈਰ ਕਬੀਰ) ੩ ਗੋੱਲਾ. ਗ਼ੁਲਾਮ. “ਤੂੰ ਸਾਚਾ ਸਾਹਿਬ ਦਾਸ ਤੇਰਾ ਗੋਲਾ.” (ਮਾਝ ਅ: ਮ: ੫) ਦੇਖੋ, ਗੁਲਾਮ। ੪ ਪੇਸ਼ਾਵਰ ਦੇ ਜੁਲਾਹਿਆਂ ਦੀ ਗੋਲਾ ਸੰਗ੍ਯਾ ਹੈ। ੫ ਰਾਜਿਆਂ ਦੀਆਂ ਦਾਸੀਆਂ ਦੇ ਪੁਤ੍ਰ ਭੀ ਗੋਲੇ ਕਹੇ ਜਾਂਦੇ ਹਨ। ੬ ਸ਼੍ਰੀ ਗੁਰੁ ਅਰਜਨ ਸਾਹਿਬ ਦਾ ਇੱਕ ਸਿੱਖ.
ਲੇਖਕ : ਭਾਈ ਕਾਨ੍ਹ ਸਿੰਘ ਨਾਭਾ,
ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।, ਹੁਣ ਤੱਕ ਵੇਖਿਆ ਗਿਆ : 29206, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2014-11-18, ਹਵਾਲੇ/ਟਿੱਪਣੀਆਂ: no
ਗੋਲਾ ਸਰੋਤ :
ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ
ਗੋਲਾ (ਸੰ.। ਅ਼ਰਬੀ ਗੁਲਾਮ=ਦਾਸ*) ੧. ਮੁਲ ਲੀਤਾ ਹੋਇਆ ਨੌਕਰ। ਯਥਾ-‘ਮੁਲ ਖਰੀਦੀ ਲਾਲਾ ਗੋਲਾ’।
ਦੇਖੋ, ‘ਬੈਖਰੀਦੁ’, ‘ਗੁਲ ਗੋਲੇ’
੨. (ਸੰਸਕ੍ਰਿਤ ਗੋਲ=ਕੋਈ ਗੋਲ ਸ਼ੈ) ਤੋਪ ਦਾ ਗੋਲਾ। ਇਕ ਪ੍ਰਕਾਰ ਦਾ ਗੋਲ ਆਕਾਰ ਦਾ ਲੋਹੇ ਆਦਿਕ ਦਾ ਬਣਿਆਂ ਜੋ ਤੋਪ ਵਿਚ ਰਖਿਆ ਬਾਰੂਦ ਦੇ ਜ਼ੋਰ ਚਲਦਾ ਹੈ। ਯਥਾ-‘ਗੋਲਾ ਗਿਆਨ ਚਲਾਇਆ’
ਮੁੱਲ। ਅ਼ਰਬੀ ਗ਼ੁਲਾਮ=ਦਾਸ) ਬਿਨਾਂ ਮੁੱਲ ਦੇ ਦਾਸ। ਯਥਾ-‘ਕਰਿ ਦੀਨੋ ਜਗਤੁ ਸਭੁ ਗੋਲ ਅਮੋਲੀ ’।
----------
* ਸੰਸਕ੍ਰਿਤ ਵਿਚ ਗੋਲਾ=‘ਸਖੀ ’ ਅਰਥਾਂ ਵਿਚ ਆਇਆ ਹੈ, ਉਸ ਤੋਂ ਹੀ ਗੋਲਾ ਪਦ -ਦਾਸ- ਅਰਥਾਂ ਵਿਚ ਆਮ ਕਰ ਕੇ ਵਰਤਿਆ ਗਿਆ ਵਧੀਕ ਸੰਭਵ ਹੈ।
ਲੇਖਕ : ਮੁਖ ਸੰਪਾਦਕ ਡਾ. ਹਰਭਜਨ ਸਿੰਘ ਸੰ. ਕੁਲਵਿੰਦਰ ਸਿੰਘ ਅਤੇ ਮੁਹੱਬਤ ਸਿੰਘ,
ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ, ਹੁਣ ਤੱਕ ਵੇਖਿਆ ਗਿਆ : 29151, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2015-03-13, ਹਵਾਲੇ/ਟਿੱਪਣੀਆਂ: no
ਗੋਲਾ ਸਰੋਤ :
ਪੰਜਾਬੀ ਵਿਸ਼ਵ ਕੋਸ਼–ਜਿਲਦ ਨੌਵੀਂ, ਭਾਸ਼ਾ ਵਿਭਾਗ ਪੰਜਾਬ
ਗੋਲਾ : ਭਾਰਤ ਦੇ ਉੱਤਰ ਪ੍ਰਦੇਸ਼ ਰਾਜ ਵਿਚ ਖੇੜੀ ਜ਼ਿਲ੍ਹੇ ਦਾ ਇਕ ਸ਼ਹਿਰ ਹੈ ਜੋ ਲਖਨਊ-ਬਰੇਲੀ ਰੇਲ-ਮਾਰਗ ਉਤੇ ਅਤੇ ਸਾਲ ਦੇ ਖੂਬਸੂਰਤ ਜੰਗਲਾਂ ਦੇ ਨੇੜੇ ਸਥਿਤ ਹੈ। ਇਹ ਸ਼ਹਿਰ ਆਪਣੀ ਪ੍ਰਾਚੀਨਤਾ ਕਰਕੇ ਮਸ਼ਹੂਰ ਹੈ। ਇਸ ਦੇ ਨਜ਼ਦੀਕ ਪੱਥਰ-ਤਰਾਸ਼ੀ ਅਤੇ ਬੁੱਧ ਦੀ ਕਿਸਮ ਦੀਆਂ ਪੱਕੀ ਮਿੱਟੀ ਦੀਆਂ ਮੂਰਤੀਆਂ ਮਿਲੀਆਂ ਹਨ। ਇਸ ਦੇ ਪੂਰਬ ਵੱਲ ਗੋਕਰਨਾਥ ਦਾ ਮਸ਼ਹੂਰ ਮੰਦਰ ਹੈ ਜਿਸ ਦੇ ਨਜ਼ਦੀਕ ਹੋਰ ਵੀ ਬਹੁਤ ਸਾਰੇ ਛੋਟੇ ਛੋਟੇ ਮੰਦਰ, ਧਰਮਸ਼ਾਲਾਵਾਂ ਅਤੇ ਆਸ਼ਰਮ ਹਨ। ਇਸ ਮੰਦਰ ਨੂੰ ਸਾਰੇ ਅਵਧ ਵਿਚ ਸਭ ਤੋਂ ਵੱਧ ਪਵਿੱਤਰ ਮੰਨਿਆ ਜਾਂਦਾ ਹੈ। ਇਸ ਵਿਚ ਇਕ ਸ਼ਿਵਲਿੰਗ ਹੈ ਜਿਸ ਦੇ ਬਾਰੇ ਕਈ ਗਾਥਾਵਾਂ ਪ੍ਰਚਲਤ ਹਨ। ਕਿਹਾ ਜਾਂਦਾ ਹੈ ਕਿ ਇਸ ਨੂੰ ਲੰਕਾ ਦੇ ਰਾਜੇ ਰਾਵਣ ਨੇ ਇਥੇ ਲਿਆਂਦਾ ਸੀ। ਮੁਗ਼ਲ ਬਾਦਸ਼ਾਹ ਔਰੰਗਜ਼ੇਬ ਨੇ ਇਸ ਨੂੰ ਸੰਗਲਾਂ ਨਾਲ ਹਾਥੀਆਂ ਦੁਆਰਾ ਪੁਟਵਾਉਣ ਦੀ ਕੋਸ਼ਿਸ਼ ਕੀਤੀ ਤਾਂ ਇਸ ਵਿਚੋਂ ਅੱਗ ਦੀਆਂ ਲਪਟਾਂ ਨਿਕਲੀਆਂ ਜਿਸ ਤੋਂ ਬਾਦਸ਼ਾਹ ਮੰਦਰ ਨੂੰ ਧਰਮ-ਅਰਥ ਭੇਟਾ ਕਰਨ ਲਈ ਮਜ਼ਬੂਰ ਹੋ ਗਿਆ। ਗੋਲਾ, ਜ਼ਿਲ੍ਹੇ ਦਾ ਮੁੱਖ ਵਪਾਰਕ ਸ਼ਹਿਰ ਹੈ।
ਆਬਾਦੀ––41,872 (1991)
28° 5' ਉ. ਵਿਥ.; 80° 28' ਪੂ. ਲੰਬ.
ਹ. ਪੁ.––ਇੰਪ. ਗ. ਇੰਡ. 12 : 308
ਲੇਖਕ : ਭਾਸ਼ਾ ਵਿਭਾਗ,
ਸਰੋਤ : ਪੰਜਾਬੀ ਵਿਸ਼ਵ ਕੋਸ਼–ਜਿਲਦ ਨੌਵੀਂ, ਭਾਸ਼ਾ ਵਿਭਾਗ ਪੰਜਾਬ, ਹੁਣ ਤੱਕ ਵੇਖਿਆ ਗਿਆ : 21355, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2016-03-17, ਹਵਾਲੇ/ਟਿੱਪਣੀਆਂ: no
ਗੋਲਾ ਸਰੋਤ :
ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ)
ਗੋਲਾ, (ਅਰਬੀ : ਗ਼ੁਲਾਮ, 
) \ ਪੁਲਿੰਗ : ੧. ਨੌਕਰ, ਦਾਸ, ਚਾਕਰ, ਸੇਵਕ; ੨. ਰਾਜਿਆਂ ਦੀਆਂ ਦਾਸੀਆਂ ਦੇ ਪੁੱਤਰ
–ਗੋਲਾ ਹੋਕੇ ਕਮਾਵੇ, ਮੀਆਂ (ਰਾਜਾ) ਹੋਕੇ ਖਾਵੇ, ਅਖੌਤ : ਭਾਵ ਕਮਾਉਣ ਲੱਗਿਆਂ ਮਿਹਨਤ ਕਰੇ ਅਤੇ ਖਾਣ ਵੇਲੇ ਖੁਲ੍ਹ ਦਿਲੀ ਨਾਲ ਖਾਵੇ
–ਗੋਲਾਪਣਾ, ਪੁਲਿੰਗ : ਗੁਲਾਮਪੁਣਾ (ਭਾਈ ਮਈਆ ਸਿੰਘ)
–ਲਾਲਾ ਗੋਲਾ, ਪੁਲਿੰਗ : ਗੁਲਾਮ, ਦਾਸ
–ਵਾਹ ਕੀ ਜਾਣੇ ਛੋਲਾ, ਗੁਣ ਕੀ ਜਾਣੇ ਗੋਲਾ, ਅਖੌਤ : ਜਦੋਂ ਕੋਈ ਨਾਵਾਕਫ ਕਿਸੇ ਚੀਜ਼ ਦੇ ਗੁਣਾਂ ਤੋਂ ਜਾਣੂ ਨਾ ਹੋ ਸਕੇ ਤਦੋਂ ਆਖਿਆ ਜਾਂਦਾ ਹੈ (ਭਾਈ ਮਈਆ ਸਿੰਘ)
–ਗੋਲੀ, ਇਸਤਰੀ ਲਿੰਗ : ਗੁਲਾਮ ਔਰਤ, ਦਾਸੀ, ਨੌਕਰਾਣੀ, ਸੇਵਕਾ ਰਾਜ ਮਹਿਲ ਵਿੱਚ ਰਾਣੀ ਲਈ ਨੀਯਤ ਸੇਵਕ, ਰਾਣੀ ਦਾ ਵਿਪਰੀਤਾਰਥਕ ਸ਼ਬਦ
ਲੇਖਕ : ਭਾਸ਼ਾ ਵਿਭਾਗ, ਪੰਜਾਬ,
ਸਰੋਤ : ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ), ਹੁਣ ਤੱਕ ਵੇਖਿਆ ਗਿਆ : 208, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2023-03-15-11-56-02, ਹਵਾਲੇ/ਟਿੱਪਣੀਆਂ:
ਗੋਲਾ ਸਰੋਤ :
ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ)
ਗੋਲਾ, (ਫ਼ਾਰਸੀ : ਗੋਲ, 
ਜਾਂ ਗ਼ੌਲਾ, 
=ਮੂਰਖ) \ ਵਿਸ਼ੇਸ਼ਣ : ਮੂਰਖ, ਬੇਵਕੂਫ਼ ਜੋ ਜਾਊ ਨਹੀਂ
ਲੇਖਕ : ਭਾਸ਼ਾ ਵਿਭਾਗ, ਪੰਜਾਬ,
ਸਰੋਤ : ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ), ਹੁਣ ਤੱਕ ਵੇਖਿਆ ਗਿਆ : 1177, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2023-03-15-11-57-28, ਹਵਾਲੇ/ਟਿੱਪਣੀਆਂ:
ਗੋਲਾ ਸਰੋਤ :
ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ)
ਗੋਲਾ, ਪੁਲਿੰਗ : ਜੰਗਲੀ ਕਬੂਤਰ
–ਗੋਲਾ ਕਬੂਤਰ, ਪੁਲਿੰਗ : ਜੰਗਲੀ ਕਬੂਤਰ
ਲੇਖਕ : ਭਾਸ਼ਾ ਵਿਭਾਗ, ਪੰਜਾਬ,
ਸਰੋਤ : ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ), ਹੁਣ ਤੱਕ ਵੇਖਿਆ ਗਿਆ : 1177, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2023-03-15-11-58-05, ਹਵਾਲੇ/ਟਿੱਪਣੀਆਂ:
ਗੋਲਾ ਸਰੋਤ :
ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ)
ਗੋਲਾ, ਪੁਲਿੰਗ : ਤਖਾਣਾਂ ਦਾ ਇੱਕ ਸੰਦ
ਲੇਖਕ : ਭਾਸ਼ਾ ਵਿਭਾਗ, ਪੰਜਾਬ,
ਸਰੋਤ : ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ), ਹੁਣ ਤੱਕ ਵੇਖਿਆ ਗਿਆ : 1177, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2023-03-15-11-59-16, ਹਵਾਲੇ/ਟਿੱਪਣੀਆਂ:
ਗੋਲਾ ਸਰੋਤ :
ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ)
ਗੋਲਾ, (ਸੰਸਕ੍ਰਿਤ : गोल+ਆ) \ ਪੁਲਿੰਗ : ੧. ਵੱਡੀ ਗੋਲੀ; ੨. ਧਾਤ ਦੀ ਵੱਡੀ ਗੇਂਦ ਜੇ ਮਕਾਬਲੇ ਲਈ ਦੂਰ ਸੁੱਟੀ ਜਾਂਦੀ ਹੈ; ੩. ਲੋਹੇ ਦੀ ਵੱਡੀ ਗੋਲੀ ਜੋ ਤੋਪ ਵਿੱਚ ਪਾਈ ਜਾਂਦੀ ਹੈ; ੪. ਘੇਰਾ, ਮੰਡਲ; ੫. ਧਾਗੇ ਦੀ ਗੋਲੀ, ਪੇਚਕ; ੬. ਉਹ ਬਨਾਵਟੀ ਗੇਂਦ ਜਿਸ ਉਤੇ ਜ਼ਮੀਨ ਦਾ ਨਕਸ਼ਾ ਬਣਿਆ ਹੁੰਦਾ ਹੈ, ਗਲੋਬ; ੭. ਨਾਰੀਅਲ ਦੇ ਅੰਦਰ ਦੀ ਗਿਰੀ; ੮. ਸੜਕ ਦਾ ਉਹ ਗਭਲਾ ਹਿੱਸਾ ਜਿਸ ਉੱਤੇ ਰੋੜੀ ਕੁੱਟੀ ਤੇ ਲੁੱਕ ਵਿਛੀ ਹੁੰਦੀ ਹੈ; ੯. ਪੇਟ ਦਾ ਗੁੰਮੜ, ਵਾ ਦਾ ਗੋਲਾ; ੧੦. ਛੱਤ ਦੇ ਕੌਲੇ ਕੰਧਾਂ ਉਤੇ ਚਵੀਂ ਪਾਸੀਂ ਚੂਨੇ ਜਾਂ ਸਿਮਿੰਟ ਦੀ ਬਣੀ ਹੋਈ ਗੋਲ ਉਭਰੀ ਹੋਈ ਕੋਰ
–ਗੋਲਾ ਅਰਧ,ਗੋਲਾਰਧ, ਪੁਲਿੰਗ : ਅੱਧਾ ਗੋਲਾ, ਗੋਲੇ ਨੂੰ ਵਿਚਾਲਿਉਂ ਕੱਟ ਕੇ ਜੋ ਅੱਧਾ ਟੁਕੜਾ ਹੁੰਦਾ ਹੈ ਉਸ ਨੂੰ ਗੋਲਾ ਅਰਧ ਜਾਂ ਅਰਧ ਗੋਲਾ ਆਖਦੇ ਹਨ (Hemisphere)
–ਗੋਲੇ ਹੋ ਕੇ ਕਮਾਈਏ ਤੇ ਵਿਹਲੇ ਹੋ ਕੇ ਖਾਈਏ, ਅਖੌਤ : ਕਮਾਉਣ ਲਗਿਆਂ ਮਿਹਨਤ ਕਰਕੇ ਕਮਾਵੇ ਤੇ ਕਮਾਈ ਮਗਰੋਂ ਨਿਸ਼ਚਿੰਤ ਹੋ ਕੇ ੳਸ ਦਾ ਫਲ ਭੋਗੇ
–ਗੋਲਾਕਾਰ, ਵਿਸ਼ੇਸ਼ਣ : ਜਿਸ ਦੀ ਸ਼ਕਲ ਗੋਲੇ ਵਰਗੀ ਹੋਵੇ, ਗੋਲ ਆਕਾਰ ਵਾਲਾ, ਅੰਡਾਕਾਰ
–ਗੋਲਾ ਚਲਣਾ, ਕਿਰਿਆ ਅਕਰਮਕ : ਗੋਲਾ ਛੁੱਟਣਾ (ਭਾਈ ਮਈਆ ਸਿੰਘ)
–ਗੋਲਾ ਚਲਾਉਣਾ, ਕਿਰਿਆ ਸਕਰਮਕ : ਤੋਪ ਨਾਲ ਗੋਲਾ ਮਾਰਨਾ (ਭਾਈ ਮਈਆ ਸਿੰਘ)
–ਗੋਲਾ ਪਏ, ਅਵਯ : ਤੀਵੀਆਂ ਦੀ ਇੱਕ ਗਾਲ੍ਹ ਜਾਂ ਗੁੱਸੇ ਦਾ ਸ਼ਬਦ
–ਗੋਲਾ ਪਿਆ, ਅਵਯ : ਗੁੱਸੇ ਦਾ ਸ਼ਬਦ
–ਗੋਲਾ ਬਦਾਮ, ਪੁਲਿੰਗ : ਬਦਾਮਾਂ ਦੀ ਇੱਕ ਕਿਸਮ, ਇਹ ਬਦਾਮ ਆਕਾਰ ਵਿੱਚ ਗੋਲ ਹੁੰਦੇ ਹਨ
–ਗੋਲਾ ਮਾਰਨਾ, ਮੁਹਾਵਰਾ : ਠੱਪੇ ਅਤੇ ਸਰੀਏ ਨਾਲ ਟੀਨ ਦੇ ਸਿਰੇ ਨੂੰ ਗੋਲ ਕਰਨਾ
–ਗੋਲਾ ਲਾਠੀ ਕਰਨਾ, ਕਿਰਿਆ ਸਮਾਸੀ : ਹੱਥ ਪੈਰ ਬੰਨ੍ਹ ਕੇ ਗੋਡਿਆਂ ਹੋਠੋਂ ਦੀ ਲਾਠੀ ਦੇ ਕੇ ਚੁਕਣਾ, ਇਹ ਇੱਕ ਸਜ਼ਾ ਹੈ ਜੋ ਪਹਿਲੇ ਜ਼ਮਾਨੇ ਵਿੱਚ ਮੁੱਲਾਂ ਸ਼ਾਗਿਰਦ ਨੂੰ ਦਿੱਤਾ ਕਰਦੇ ਸਨ
–ਗੋਲਾ ਵੱਜਣਾ, ਕਿਰਿਆ ਸਮਾਸੀ : ਤੋਪ ਦੀ ਮਾਰ ਹੇਠ ਆਉਣਾ (ਭਾਈ ਮਈਆ ਸਿੰਘ)
–ਅਗਨ ਗੋਲਾ, ਪੁਲਿੰਗ : ਬੰਬ, ਤੋਪ ਦਾ ਗੋਲਾ (ਭਾਈ ਕਾਨ ਸਿੰਘ ਕੋਸ, ੧੫੪)
–ਹੱਥ ਗੋਲਾ, ਪੁਲਿੰਗ : ਛੋਟਾ ਬੰਬ ਜੋ ਹੱਥ ਵਿੱਚ ਫੜ ਕੇ ਸੁਟਿਆ ਜਾਂਦਾ ਹੈ, Hand Grenade
–ਵਾ ਦਾ ਗੋਲਾ, ਪੁਲਿੰਗ : ਇੱਕ ਰੋਗ ਜਿਸ ਵਿੱਚ ਧੁੰਨੀ ਤੋਂ ਗਲੇ ਤੱਕ ਹਵਾ ਦਾ ਗੋਲਾ ਫਿਰਦਾ ਮਹਿਸੂਸ ਹੁੰਦਾ ਹੈ
ਲੇਖਕ : ਭਾਸ਼ਾ ਵਿਭਾਗ, ਪੰਜਾਬ,
ਸਰੋਤ : ਪੰਜਾਬੀ ਕੋਸ਼ ਜਿਲਦ ਦੂਜੀ (ਖ ਤੋਂ ਵ), ਹੁਣ ਤੱਕ ਵੇਖਿਆ ਗਿਆ : 208, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2023-03-15-11-59-56, ਹਵਾਲੇ/ਟਿੱਪਣੀਆਂ:
ਵਿਚਾਰ / ਸੁਝਾਅ
Tushar Bhola,
( 2023/09/14 10:2619)
Tushar Bhola,
( 2023/09/14 10:2635)
Tushar Bhola,
( 2023/09/14 10:2638)
Tushar Bhola,
( 2023/09/14 10:2639)
Tushar Bhola,
( 2023/09/14 10:2641)
Tushar Bhola,
( 2023/09/14 10:2643)
Tushar Bhola,
( 2023/09/14 10:2645)
Tushar Bhola,
( 2023/09/14 10:2649)
Please Login First
